Маҳобатли чўл осмони тўла юлдуз,

Ой - юлдузлар аро маюс. Мендек маюс...

Юлдузларни кўрмоқлик учун

Кўкка эмас, ерга қарайман...

Нафас оғир. Хаёл ам оғир.

Совуқ дастбанд. Таниш манзара.

Насиб экан-кўришдик оҳир...

Салом сенга, темир панжара.

Кўксим ерга уриб, чангаллаб бошим.

Руҳингга қилурман сўнг бор илтижо,...

Бир кафт тупроқ олсам қўлимга

Юрагимни зилдек эзади.

Бор армонин тўкиб кўнглимга

Қалб сатҳига доғин чизади.

Таним - тупроқ,

Юрагим - тош,

Руҳ - туғён...

Бўғзимда тош каби тиқилган армон

Кечмишинг, бугунинг ўйлаб бағрим қон,

Кўзларим жовдираб сендан сўрайман,

Сотилмаган киминг қолди, Туркистон!

Аламлар зўридан дийдалар қотди,

Руҳга жо орзулар қолди армонда.

Ҳокисор танларни босиб ва янчиб-

Ҳайкаллар юрибди Ўзбекистонда.

Бир япроқ узилди. Бир япроқ-

Бутоқдан айрилди шу замон.

Бир япроқ узилди. Бир япроқ-

Чарх уриб бормоқда ер томон.